Latgolys jugendstyla pērle. 20. godsymta suokā puoļu izceļsmis Lītovā dzymušuo Kerbedzu saime izcēle muižu kai vītu muokslai i muzykai. Pīdzeivuojuse viesturiskys puormainis, asūt par školu, kara štabu, otkon školu, pogosta puorvaļdi i biblioteku. 2015. godā atdzymuse nu jauna, kab īdvasmuotu i byutu par eistynū vītu, kurymā dzeivoj MUZA.

Lūznovys muižys i parka pīduovuojums:

  • Muižys, muižys ekspoziceju i izstuožu, parka i kapelys apsavieršona grupu ekskursejom gida–stuosteituoja vadeibā voi individuali;
  • Dažaidu muzykys stylu koncerti, izruodis, izstuodis;
  • Ustobys deļ radūšūs darbneicu, izgleitojūšūs nūdarbeibu i meistarklašu;
  • Ustobu nūma deļ seminaru, konferenču, svineigu nūtikšonu, pījimšonu, banketu i cytu aktivitašu;
  • Ustobu nūma lauleibu registracejai i cytu saimis gūdu svieteišonai Sorkonajā zalā;
  • Fotosesejis muižys ustobuos i parka;
  • Ādynuošonys i kopeja paužu nūdrūsynuojums pasuocīņūs;
  • Iz gunkura vuoreitys zivu zupys degustaceja muižys parkā;
  • Paleidzeiba atrast naktssātu tyvuokajā apleicīnē.